Dieqo Kostanın yeni klubu məlum oldu

Bir vaxtlar İspaniyanın “Atletiko”(Madrid) klubundakı çıxışı ilə futbolsevərlərin rəğbətini qazanmış İspaniya millisinin sabiq hücumçusu Dieqo Kosta karyerasını Braziliyanın “Qremio” klubunda davam etdirəcək.

35 yaşlı futbolçunun son klubu “Botafoqo”(Rio-de-Janeyro şəhərini təmsil edir - red.) ilə müqavilə müddəti yanvarın 1-də başa çatdığı üçün “Qremio”ya azad agent kimi qoşulub.

Məlumat üçün əlavə edək ki, Dieqo Kosta “Atletiko”dan əlavə “Rayo Valyekano”, “Çelsi”, “Valyadolid”, “Braqa” kimi klubların formasını geyinib.