“Atletik” və “Malyorka” komandalarının qarşılaşdığı İspaniya La Liqasının 23-cü turunun oyunu başa çatıb.
Loading.Az Oxu.Az-a istinadən xəbər verir ki, komandalar Bilbaodakı (İspaniya) “San Mames” stadionunda qarşılaşıblar.
“Atletik” 4:0 hesabı ilə qalib gəlib.
“Atletik”in müdafiəçisi Yuri Berçiçe oyunun üçüncü dəqiqəsində fərqlənib. Ona Niko Uilyams köməklik edib. 13 dəqiqədən sonra Berçiçe dubla imza atıb. Matçın 65-ci dəqiqəsində Quruseta hesabı artırıb. Yekun hesabı 89-cu dəqiqədə meydan sahiblərinin yarımmüdafiəçisi İker Munyain qoyub.
Beləliklə, “Atletik” 2023/2024 mövsümü üçün İspaniya çempionatının turnir cədvəlində beşinci yeri tutur. Komanda 23 oyundan sonra 45 xal toplayıb. “Malyorka” 20 xalla 15-ci yerdədir. La Liqanın turnir cədvəlinə Real Madrid (57) başçılıq edir.
“Atletik” “Malyorka”nı darmadağın etdi
“Atletik” “Malyorka”nı darmadağın etdi
https://loading.az/66580-atletik-malyorkani-darmadagin-etdi.html
https://loading.az/uploads/posts/2024-02/1706953905_417712612_1092004561998994_6237381535796379379_n.jpg