Qəlyanaltı keksi: dadlı səhər yeməyi üçün RESEPT

Qəlyanaltı keks — səhər yeməyi, piknik, sendviç əvəzi və ya bayram süfrəsi üçün əla seçimdir.

Loading.aZ bu keks reseptini sizə təqdim edir:

Hazırlanma müddəti: 50 dəqiqə

100 q üçün qida dəyəri: 273 kkal

Tərkibi:

Buğda unu – 120 q

Toyuq yumurtası – 3 ədəd

Süd – 50 ml

Kərə yağı – 80 q (əridilmiş)

Yarımhisə verilmiş kolbasa – 130 q

Sərt pendir – 30 q

Qabarma tozu (razıxlitel) – 1 çay qaşığı

Bibər (bolqar) – 0,5 ədəd

Yaşıl soğan – 4 sap

Duz – 0,5 çay qaşığı

İstiot (qara, üyüdülmüş) – zövqə görə

Bitki yağı – formanı yağlamaq üçün

Küncüt – üzərinə səpmək üçün

Hazırlanması:

Kolbasa və bolqar bibərini kiçik kub şəklində doğrayın. Yaşıl soğanı yuyun, kağız dəsmalla qurudun və xırda doğrayın. Pendirini orta rəndədən keçirin. Yumurtaları duzla birlikdə çalın. Qarışığa əridilmiş kərə yağı və süd əlavə edin. Ələnmiş unu və qabarma tozunu hissə-hissə əlavə edib qarışdırın. Doğranmış kolbasa, pendir, bolqar bibəri, yaşıl soğan və istiot əlavə edib yaxşıca qarışdırın. Sobaya qoyacağınız formanı bitki yağı ilə yağlayın, qarışığı ora tökün, səthini hamarlayın və üstünə küncüt səpin. Əvvəlcədən 180 dərəcəyə qədər qızdırılmış sobada 30 dəqiqə bişirin.