amon Sevgi 22-03-2023, 22:09

Sadəcə dözdüm..

Bir gün şəhərin küçələrində gedərkən sevgimi oğurladılar, qaçmadım arxasından, qovmadım, polisə də getmədim, qəzetə də elan vermədim; eləcə qaldım, dayandım, susdum. Sevgimi oğurlayan oğrunun arxasından qaçmaq istədim, amma ürəyim "xeyr"-dedi, "getmə , məni yenə üzmə, yaralama, hələ ağrılarım keçmədi"-dedi. Ağlayırdı. Gedə bilmədim, yenə üzə bilmədim və susdum, bir zamanlar çox danışırdım, belə susqun olduğuma baxma. Danışdım, amma heç bir faydasını görmədim, susdum. İndi gəzirəm sevgisiz, ümidsiz bir ürəyim var yaralı. Sən çox təmiz olma, inan hər kəsdən daha çox çirklənərsən, baxma indi bu saatdan sonra çirkinliyi göstərmərəm sənə. Bir zamanlar mən də təmiz idim sənin kimi, sonra çirklətdilər. Həyata ümidlə baxırdım gözlərimi kor etdilər. Toxunacaqdım xoşbəxtliyə, əllərimi bağladılar. Təmiz oldum, nə oldu? Söylə.. İndi sənə təmiz olma deməyimin səbəbi budur. Üzərlər, ağladarlar, sevgini oğurlayarlar. Ürəyini yaralarlar qoyma, çirklətməsinlər, mənim kimi bir məhəllənin qarışıq küçəsinin birində oğurlayarlar sevgilərini, yıxılarsan. Mənim evimdəki şüşələrin buxarı heç keçməz bilirsənmi, sanma yağış yağar həmişə, gözyaşlarım evimin şüşələrinin yaşlığını qurutmur. Ona görə kimsə gəlmir ürəyimin məhəllinə, islanmaqdan qorxurlar. Həmişə palçıqlı su atdılar üstümə, bayramlarım palçıqla keçdi. Bayramlarımda həmişə bir ölü hüznü oldu. Baxma sevgini eşqi bilmirmiş kimi danışıram bəlkə də, sevgini o qədər dərin bilir, düşünürəm ki, ona görə boğuldum dərinliyində sevginin; heç bir təcili yardım görmədi məni sevginin dənizində; boğuldum, öldüm.. Sevgimi itirdim, hökümsüz idi onsuz da.. Amma çox qiymətli idi bir zamanlar, həm də çox.. Baxma indi bir anda oğurlandığına, ağırlığını hər kəs daşıya bilməzdi sevgimin..Qoy getsin, başqa əllərdə, başqa sevdalarda axtarsın..Sevgini oğurlatma, nə olursa olsun sahib ol ona, onu heç kimin çirkləməsinə, palçıq atmasına icazə vermə. Və işığını kimsə söndürməsin, yağışları yağdırma heç üstünə.. Döz

391 bəyəndi 53 074 baxıb

Geri Paylaş